Bolš za 100 čałaviek sabralisia ŭ Pinsku na pieradvybary adzinaha kandydata ad demakratyčnaj apazicyi. Pieramohu jany addali kiraŭniku Ruchu «Za svabodu» Juryju Hubareviču.
Uradženiec Bieraściejščyny, jon učora pieramoh taksama ŭ Drahičynie i zaniaŭ druhoje miesca na schodzie ŭ abłasnym centry.
Hubarevič, jaki staić na libieralna-kansiervatyŭnych pazicyjach, spadziajecca, što z pryciahnieńniem da prajmeryz uvahi šyrejšaha koła ludziej jon zdoleje abyści chryścijanskaha demakrata Paŭła Sieviarynca.
Abodva kandydaty vystupajuć za ŭmacavańnie niezaležnaści, rynkavyja pieraŭtvareńni i źmienu sistemy ŭ krainie, ale razychodziacca ŭ taktyčnych i sacyjalnych pytańniach.
Hałasy ŭ Pinsku raźmierkavalisia nastupnym čynam:
Juraś Hubarevič — 48, Pavieł Sieviaryniec — 45 hałasoŭ, Mikałaj Kazłoŭ — 4, Alaksiej Janukievič — 3, Volha Kavalkova — 0. Niesapraŭdny biuleteń — 1.
Ahulny zalik: Sieviaryniec — 322, Hubarevič — 170, Kazłoŭ — 42, Kavalkova — 19, Janukievič — 14.
«Heta łahičny vynik, kali na schody pačynajuć prychodzić nie anhažavanyja ŭ dziejnaść partyjnych struktur ludzi», — skazaŭ «Našaj Nivie» paśla pieramohi ŭ Pinsku Juraś Hubarevič.
«Papulistyčnyja łozunhi nie znachodziać padtrymki ŭ šyrejšaj aŭdytoryi», — zaŭvažaje jon.
Juraś Hubarevič.
«Pieramahčy možna, kali apazicyjny kandydat abjadnaje pratestavuju bolšaść», — kaža Jury Hubarevič.
Siońnia pieradvybary projduć taksama ŭ Stolinie — u kaviarni na vulicy Cieraškova 60, korpus 2), a ŭ aŭtorak — u Baranavičach, u kaviarni «Paparać-kvietka» (vuł. Kamsamolskaja 23, korpus 1).
