vgr.by
U suviazi z uviadzieńniem u Litvie karancinu z 0.00 hadziny 16 sakavika 2020 h (h.zn. u noč na paniadziełak) budzie zabaronieny ŭjezd na terytoryju krainy bolšaści zamiežnikaŭ (za vyklučeńniem hruzapieravozčykaŭ, členaŭ siemjaŭ hramadzian Litvy, asob, jakija majuć dazvoł na pražyvańnie i pracu ŭ Litvie, dypłamataŭ), nahadvaje MZS Biełarusi ŭ svaim fejsbuku.
Kolkaść pahraničnych punktaŭ dla pierasiačeńnia dziaržaŭnaj miažy budzie skaročana. Na hety momant paćvierdžana dziejańnie ŭ zvyčajnym režymie prapusknych punktaŭ «Miadzininkaj — Kamienny Łoh», «Rajhardas — Pryvałka».
Žycharam zamiežnych krain, u tym liku hramadzianam Biełarusi, budzie pradastaŭleny «humanitarny kalidor» na praciahu troch sutak (z 16 pa 18 sakavika 2020 h. uklučna) z mahčymaściu pierasiekčy terytoryju Litvy tranzitam, kab viarnucca ŭ svaje dziaržavy.
Z 0.00 hadziny 19 sakavika 2020 h. ujezd na terytoryju Litvy budzie zabaronieny.
MZS nastojlivaje rekamienduje ŭsim hramadzianam RB, jakija žadajuć viarnucca ŭ Biełaruś, zrabić heta ŭ termin da 0.00 19 sakavika 2020 h.
Pasolstva źviartajecca z prośbaj da hramadzian Biełarusi, jakija znachodziacca ŭ Litoŭskaj Respublicy albo jakija płanujuć pierasiekčy Litvu tranzitam, zahadzia raźličyć maršruty śledavańnia i pakłapacicca ab svoječasovym nabyćci biletaŭ.
Sačycie za źmianieńniem situacyi z hrafikam ruchu transpartu, jakim vy možacie vyjechać ź Litvy.
MZS źviartaje ŭvahu na toje, što avijakampanija «Biełavija» paćvierdziła mahčymaść braniravańnia miescaŭ na rejsy pa maršrucie «Vilnia-Minsk» 15, 16, 17, 19 i 20 sakavika 2020 h.
Hramadzian Respubliki Biełaruś, jakija płanujuć vyjazdžać ź Litvy ŭ pieryjad z 16 pa 30 sakavika, pierakanaŭča prosim zarehistravacca, nakiravaŭšy na elektronny adras [email protected] z pamietkaj «Ekstrany vyjezd» nastupnuju infarmacyju: proźvišča, imia, imia pa baćku, data naradžeńnia, mierkavanyja daty i sposab vyjezdu.
Pry ŭźniknieńni dadatkovych pytańniaŭ źviartajciesia ŭ Pasolstva pa pakazanych numarach telefonaŭ dla ekstranaj suviazi: +370 699 59 434, +370 695 41 778, +370 600 16 244.
Spyniajecca taksama čyhunačnaje złučeńnie ź Litvoj.
Admianiajucca i časova kursiravać nie buduć:
ciahnik №801 / 802 Minsk-Vilnia adpraŭleńniem ź Minska i ź Vilni z 21 sakavika;
ciahnik №804 / 803 i №808 / 807 Vilnia-Minsk adpraŭleńniem ź Minska i ź Vilni z 16 sakavika;
ciahnik №805 / 806 Minsk — Vilnia adpraŭleńniem ź Minska i ź Vilni z 16 sakavika;
ciahnik №809 / 810 Minsk —Vilnia adpraŭleńniem ź Minska i ź Vilni z 27 krasavika;
