Paviedamleńnie pra heta źjaviłasia na sajcie ŭniviersiteta:
«U BDU pryniata rašeńnie pieranieści lekcyjnyja kursy dla ŭsich fakultetaŭ na bolš poźni termin. Havorka nie idzie pra pieravod na dystancyjnaje navučańnie i admienu zaniatkaŭ, a tyčycca časovych źmianieńniaŭ u hrafiku navučalnaha pracesu z metaj paźbiahańnia masavaha zboru ludziej. U najbližejšy pieryjad rekamiendavana vykarystoŭvać inšyja formy zaniatkaŭ, praduhledžanyja vučebnymi płanami i prahramami, u liku jakich KSR (kiravanaja samastojnaja rabota studentaŭ), kansultacyi, łabaratornyja i inš.
Pa ŭsich pytańniach arhanizacyi navučalnaha pracesu źviartacca ŭ dekanaty fakultetaŭ.
Taksama nahadvajem, što ŭ BDU pryniaty kompleks mier pa ŭzmacnieńni prafiłaktyki raspaŭsiudžvańnia karanavirusa siarod studentaŭ i supracoŭnikaŭ. Siarod ich:
— abmiežavana naviedvańnie studenckich internataŭ na praciahu najbližejšaha miesiaca, akramia asob, jakija pražyvajuć u ich;
— u miescach masavaha zboru ludziej, chołach i sanvuzłach ŭstanoŭleny dazatary z antysieptykami dla apracoŭki ruk;
— pavialičana kolkaść vilhotnych pryborak navučalnych, administracyjnych karpusoŭ i internataŭ z vykarystańniem dezynfiekcyjnych srodkaŭ;
— va ŭsich navučalnych karpusach, internatach raźmieščany infarmacyjnyja stendy pa prafiłaktycy karanavirusa;
— abmiežavana praviadzieńnie masavych mierapryjemstvaŭ.
Pavažanyja studenty i supracoŭniki BDU! Źviartajemsia taksama da vas z prośbaj uvažliva pastavicca da svajho stanu zdaroŭja i zdaroŭja navakolnych i vykonvać usie nieabchodnyja praviły asabistaj hihijeny i rekamiendacyi Ministerstva achovy zdaroŭja Biełarusi pa prafiłaktyčnych mierach raspaŭsiudžvańnia virusnaj infiekcyi».
