Uniasieńnie Biełarusi ŭ śpis krain, hramadzianam jakich abmiažoŭvajecca ŭjezd u Rasiju, źviazana z tym, što Minsk nie prymaje dastatkovych mier dla baraćby z karanavirusam. Pra heta havorycca ŭ paviedamleńni pres-słužby ŭrada Rasii, paviedamlaje TASS.

Fota Nadziei Bužan

Fota Nadziei Bužan

Tam taksama zapeŭnili, što Biełaruś zahadzia papiaredzili ab mierach pa abmiežavańni na ŭjezd u Rasiju zamiežnych hramadzian na fonie karanavirusa.

«Biełaruski bok byŭ zahadzia papiaredžany ab płanavanych mierach u chodzie praviedzienaj 15 sakavika 2020 hoda telefonnaj razmovy staršyni ŭrada Rasijskaj Fiederacyi Mišuścina z premjer-ministram Respubliki Biełaruś Rumasam. Kiraŭnik Savieta ministraŭ Biełarusi byŭ prainfarmavany, u pryvatnaści, pra toje, što abmiežavańni na ŭjezd u RF nie buduć raspaŭsiudžvacca na peŭnyja katehoryi asob, u tym liku kiroŭcaŭ hruzavoha aŭtatranspartu», — havorycca ŭ paviedamleńni.

U praparcyjnych suadnosinach da kolkaści nasielnictva situacyja ŭ Biełarusi z raspaŭsiudžvańniem epidemii karanavirusa značna bolš surjoznaja, čym u Rasii, adznačaje rasijski ŭrad.

Śćviardžeńnie, što «Rasija ŭsia pałaje ad karanavirusa», nie adpaviadaje rečaisnaści, adznačaje ŭrad Rasii.

U rasijskim Kabiniecie dadali, što Rasija vymušana była ŭvieści abmiežavańni na pierasiačeńnie miažy ź Biełaruśsiu z-za niepryniaćcia Minskam dastatkovych mier dla baraćby z raspaŭsiudžvańniem karanavirusa z terytoryi trecich krain.

«Abmiežavańni ŭjezdu ŭ Rasijskuju Fiederacyju z terytoryi Respubliki Biełaruś uvodziacca, pierš za ŭsio, pa pryčynie niepryniaćcia orhanami dziaržaŭnaj ułady Biełarusi rekamiendavanych Suśvietnaj arhanizacyjaj achovy zdaroŭja adekvatnych mier pa pierakryćci dziaržaŭnych miežaŭ z metaj niedapuščeńnia praniknieńnia karanavirusnaj infiekcyi z trecich dziaržaŭ», — havorycca ŭ paviedamleńni.

Nahadajem, siońnia Alaksandr Łukašenka zajaviŭ, što jaho azadačyła zakryćcio Rasijaj miažy ź Biełaruśsiu.

U toj ža čas jon kanstatavaŭ, što ŭ Biełarusi adnosna spakojnaje stanovišča. Pry hetym, na jaho dumku, «Rasija ŭsia pałaje ad karanavirusa». «Dyk chto ad kaho pavinien začyniacca. Pytańnie rytaryčnaje», — dadaŭ Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0