Fota Nadziei Bužan
Biełaruś prymaje adekvatnyja miery pa baraćbie z raspaŭsiudam karanavirusa. Pra heta siońnia zajaviła staršynia Savieta Respubliki Natalla Kačanava, adkazvajučy na pytańnie, što pastupiła joj padčas pramoj telefonnaj linii, piša BiełTA.
Natalla Kačanava padkreśliła, što «ŭ krainie prymajucca adekvatnyja miery». «Siońnia nijakaj nadzvyčajnaj situacyi niama, — dadała jana. — My robim usio, kab našych ludziej zaścierahčy». Tak, sanitarna-karancinny kantrol uzmocnieny ŭ punktach propusku, Nacyjanalnym aeraporcie Minsk. Stanovišča spraŭ u krainie znachodzicca na pastajannym kantroli śpiecyjalistaŭ. «Idzie pastajanny manitorynh», — skazała jana.
Biełaruś nie abmiažoŭvała pierasoŭvańnie ludziej i tavaraŭ, kirujučysia rekamiendacyjami Suśvietnaj arhanizacyi achovy zdaroŭja. SAAZ ličyć, što takija miery padčas nadzyčajnaha stanovišča ŭ halinie achovy zdaroŭja ŭ bolšaści vypadkaŭ nie źjaŭlajucca efiektyŭnaj mieraj. «Zakryŭšy miežy, my prablemu nie vyrašym», — patłumačyła Natalla Kačanava.
