Apieratar transpartnaj sistemy stalicy Vialikabrytanii Transport for London (TfL) paviedamiŭ ab zakryćci z čaćviarha 40 z bolš čym 250 stancyj łondanskaha mietro. Pra heta piša hazieta Daily Telegraph.
Miera nakiravana na skaračeńnie času ŭ šlachu dla pasažyraŭ, jakija ažyćciaŭlajuć važnyja i nieadkładnyja pajezdki, u toj čas jak zakryćciu padlahajuć tolki niepierasadačnyja stancyi. Kolkaść aŭtobusaŭ na vulicach Łondana budzie taksama skaročana.
TfL zaklikała žycharoŭ brytanskaj stalicy «biez vostraj nieabchodnaści nie karystacca hramadskim transpartam» na fonie raspaŭsiudžvańnia novaha karanavirusa.
Pa stanie na 18 sakavika kolkaść paćvierdžanych vypadkaŭ zaražeńnia novym karanavirusam u Vialikabrytanii vyrasła na 676, da 2626 čałaviek. Pry hetym, pavodle acenak hałoŭnaha sanitarnaha lekara Anhlii Krysa Uici i navukovaha daradcy brytanskaha ŭrada Patryka Vałłansa, realnaja kolkaść vypadkaŭ moža dasiahać 55 tys. Kolkaść śmiarotnych zychodaŭ dasiahnuła 71.
