Alaksandr Łukašenka zasłuchaŭ siońnia dakład ab epidemijałahičnaj situacyi ŭ krainie, pieradaje BIEŁTA.
Na dakład u Pałac Niezaležnaści pryjechali kiraŭnik Administracyi prezidenta Ihar Sierhiajenka, dziaržsakratar Rady biaśpieki Andrej Raŭkoŭ, ministr achovy zdaroŭja Uładzimir Karanik. Taksama na mierapryjemstva paklikali pradstaŭnikoŭ Respublikanskaha centra hihijeny, epidemijałohii i hramadskaha zdaroŭja, Minskaha navukova-praktyčnaha centra chirurhii, transpłantałohii i hiematałohii, Biełaruskaha dziaržaŭnaha miedycynskaha univiersiteta, Respublikanskaha navukova-praktyčnaha centra epidemijałohii i mikrabijałohii.
«Ja zaprasiŭ vas siońnia, kab abmierkavać epidemijałahičnuju situacyju ŭ Biełarusi. Asabliva heta važna va ŭmovach karanavirusnaha psichozu», — zajaviŭ Alaksandr Łukašenka.
Pa słovach kiraŭnika dziaržavy, pieršapačatkova jon chacieŭ pravieści sustreču vyklučna ź virusałohii i epidemijołahami: pazicyja i padychody ministra achovy zdaroŭja Łukašenku viadomyja.
«Ale ministr skazaŭ, što jon čałaviek dziaržaŭny i nie budzie koŭdru ciahnuć na svoj bok. Dumaju, da miesca budzie, kali ministr achovy zdaroŭja nam paviedamić pra situacyju, a vy — pra svoj punkt hledžańnia», — skazaŭ jon.
