Alaksandr Łukašenka, zasłuchoŭvajučy dakład ab epidemijałahičnaj situacyi ŭ krainie, daručyŭ dapamahčy zasieŭšym u Polščy rasijanam viarnucca na radzimu, pieradaje BIEŁTA.
Kiraŭnik dziaržavy adznačyŭ, što krainy ŭ suviazi z raspaŭsiudam karanavirusa začynili svaje miežy, sprabujučy zaścierahčysia ad ŭvozu infiekcyi. Na dumku Łukašenki, takija rašeńni nie pazbaŭlajuć ad prablemy i štučna stvarajuć situacyju, kali čałaviek nie moža trapić dadomu.
«Vaźmicie rasijanaŭ, jakija siońnia ŭ Polščy: jany nie mohuć vyjechać u Rasiju. Kali la našych miežaŭ sabrałasia peŭnaja kolkaść rasijanaŭ, Ihar Piatrovič, vam piersanalnaje daručeńnie: pryciahvajcie kaho chočacie, ale treba vyvieźci rasijanaŭ z Polščy i dapamahčy im dabracca na radzimu», — źviarnuŭsia Alaksandr Łukašenka da kiraŭnika Administracyi prezidenta Ihara Sierhiajenki.
«Heta nie sprava, što našy braty tam siadziać, zrazumieła, u jakoj situacyi. Treba im dapamahčy, jak by ŭ nas ni składvalisia adnosiny z rasijskimi ŭładami. Ludzi ni ŭ čym nie vinavatyja», — padkreśliŭ Łukašenka.
Jon daručyŭ pryciahnuć da vyrašeńnia hetaha pytańnia Ministerstva zamiežnych spraŭ i pravaachoŭnyja struktury. «Niachaj dapamohuć rasijanam pakinuć Polšču. Vyvieźci ich na radzimu, kali rasijanie (rasijskija ŭłady — BIEŁTA) nie mohuć tam razabracca», — dadaŭ kiraŭnik dziaržavy.
Avijakampanija «Rasija» nie puściła na bort kampaniju biełarusaŭ, jakija viartalisia z Tajłanda tranzitam praz Maskvu
