Pavodle Minsportu, ciapier za miažoj znachodziacca bolš za 8 tysiač arhanizavanych turystaŭ — heta tyja ludzi, jakija vyjazdžali na kurorty pa pucioŭkach, piša Tut.by.
Biełaruskija turysty, što nie zmahli vylecieć z Hoa
Pandemija surjozna paŭpłyvała na płany turystaŭ. Bolš za 8 tysiač arhanizavanych padarožnikaŭ ciapier nie mohuć viarnucca ŭ Biełaruś. Bolš za ŭsio turystaŭ u Jehipcie, ale našy ludzi jość i ŭ Tajłandzie, i ŭ Indyi, i ŭ Kambodžy, i na Bali. Samaja vialikaja prablema — rasijskija avijakampanii admaŭlajucca prymać biełarusaŭ na svaje rejsy, bo ŭ aeraporcie Unukava ŭ Maskvie niama tranzitnaj zony.
Dyrektar Departamienta pa turyźmie Iryna Varanovič paviedamiła, što siońnia Mininsterstva sportu i turyzmu nakiravała va ŭrad list z prośbaj na ŭzroŭni premjer-ministraŭ Biełarusi i Rasii vyrašyć pytańnie z tranzitam praz aeraport Unukava. Viadoma, što turapieratar Anex Tour učora źviartaŭsia ŭ apieratyŭny štab RF z prapanovaj arhanizavać tranśfier — aŭtobus, jaki pieraviazie biełaruskich turystaŭ z Unukava ŭ aeraporty Šaramieccieva abo Damadziedava, adkul jość mahčymaść vylecieć u Minsk. Adnak vice-premjer Rasii Taćciana Holikava adchiliła prapanovu. Ciapier razhladajucca varyjanty pastavić čartar «Biełavija» z Unukava ŭ Minsk ci arhanizavać dastaŭku biełaruskich turystaŭ u tranzitnyja aeraporty na dypłamatyčnym transparcie pasolstva Biełarusi.
Turystaŭ ź Jehipta (ich kala 6 tysiač) buduć vyvozić pa hrafiku na čartarach «Biełavija» z 17 pa 31 sakavika. Na jehipieckich kurortach jość i rasijskija turysty, ich taksama zabiaruć na našych samalotach, bo avijaznosinaŭ pamiž Jehiptam i Rasijaj niama.
