U Bresckaj vobłaści na trasie M1 sutyknulisia dźvie fury, adzin z kiroŭcaŭ zahinuŭ na miescy, paviedamlaje milicyja.
Avaryja adbyłasia siońnia kala 20.00 na 209-m km trasy M1 Brest — Minsk — miaža Rasii. Pavodle papiaredniaj infarmacyi, 53-hadovy kiroŭca MAZa sprabavaŭ paviarnuć u zabaronienym dla razvarotu miescy. U hety čas u levaj pałasie pa chodu ruchu jechała fura pad kiravańniem 22-hadovaha hramadzianina Polščy.
Pry sutyknieńni kiroŭcu MAZa vykinuła z kabiny na darohu. Ad atrymanych traŭmaŭ jon pamior.
