U sieradu, 25 sakavika, ukrainskaja palicyja zatrymała pa padazreńni ŭ naŭmysnym zabojstvie eks-dyrektara telekanała «Inter» Siarhieja Staryckaha byłoha ministra zamiežnych spraŭ Ukrainy Leanida Kažaru.

U domie Leanida Kažary byŭ znojdzieny trup Staryckaha z ahniastrelnym ranieńniem, zroblenym z uznaharodnaj zbroi ŭładalnika doma. Kažara i jaho žonka śćviardžali, što Siarhiej Starycki skončyŭ žyćcio samahubstvam. Śledčyja i prakurory pravieryli abstaviny hibieli byłoha dyrektara telekanała «Inter» i pryjšli da vysnovy, što jon nie moh sam siabie zastrelić.

Jak paviedamlajecca, dačynieńnie Kažary da złačynstva, jakoje jon pieršapačatkova sprabavaŭ vydać za samahubstva, paćvierdzili sudova-miedycynskaja, malekularna-hienietyčnaja, daktyłaskapičnaja i balistyčnaja ekśpiertyzy, a taksama śledčy ekśpierymient, praviedzieny pravaachoŭnikami.

Leanid Kažara byŭ kiraŭnikom MZS Ukrainy z 2012 pa 2014 hady va ŭradzie Mikałaja Azarava, kali prezidentam krainy byŭ Viktar Janukovič.

Клас
0
Панылы сорам
0
Ха-ха
0
Ого
0
Сумна
0
Абуральна
0