Žychary italjanskaj pravincyi Fierara ŭ rehijonie Emilija-Ramańja mohuć mieć imunitet da karanavirusa novaha typu. Pra heta ŭ aŭtorak paviedamiła miascovaja hazieta La Nuova Ferrara, spasyłajučysia na źviestki pra kolkaść infikavanych u pravincyi i zajavu kamisara słužby hramadzianskaj abarony pa rehijonie Serdžya Vientury, piša tass.ru.
«Kali pahladzieć na zachvorvańnie ŭ pravincyi Fierara, to možna zaŭvažyć, što jość niekalki vypadkaŭ u stalicy, ale ŭsie astatnija zafiksavanyja pieravažna na miažy z Bałońniaj [vobłaść u Emilii-Ramańji na paŭdniovy zachad ad Fierary]. Bolšaja častka pravincyi ŭbierahłasia [ad karanavirusa]», — pryvodzić vydańnie słovy kamisara.
Pavodle haziety, u Fierary z pačatku epidemii usiaho 307 čałaviek zarazilisia karanavirusam. Pry hetym rehijon Emilija-Ramańja, u jaki ŭvachodzić pravincyja, zajmaje druhoje miesca ŭ Italii pa liku infikavanych.
Jak pieradaje vydańnie, Vientury adznačyŭ, što pryčyny hetaj źjavy pakul nie jasnyja, ale vykazaŭ mierkavańnie, što imunitet da karanavirusa ŭ miascovych žycharoŭ moža być źviazany z tałasiemijaj (spadčynnaje zachvorvańnie kryvi) abo z tym, što ŭ pravincyi pašyranaja malaryja.
Pavodle apošnich źviestak, ahulnaja kolkaść tych, chto zaraziŭsia karanavirusam novaha typu ŭ Italii skłała bolš za 105,5 tys. čałaviek, ź ich amal 12,5 tys. pamierli.
