Navukoŭcy z Univiersiteta Hankonha miarkujuć, što ŭ lačeńni zachvorvańnia, vyklikanaha novym karanavirusam, moža dapamahčy pieralivańnie syrovatki kryvi, jakaja źmiaščaje virusnyja antycieły ad pierachvarełych, piša tass.ru.
Mikrabijołahi praviali daśledavańnie na siryjskich załacistych chamiakach z ulikam padabienstva ŭ ich arhaniźmie struktury białku ACE2 (anhiatenzinpieratvaralny fiermient 2) z čałaviečym. Hety białok ličycca receptaram dla praniknieńnia karanavirusa ŭ kletku.
U pieršy tydzień z momantu zaražeńnia ŭ źviarkoŭ naziralisia ciažkija simptomy, źviazanyja z parazaj lohkich, trachiei, imunnaj sistemy, kišačnika. Adnak pa skančeńni tydnia niekatoryja hryzuny pačali zdaravieć, nabirać vahu, a ŭ kryvi vypracavalisia antycieły.
Navukoŭcy zatym vykarystali syrovatku ich kryvi dla pieralivańnia zdarovamu chamiaku, a zatym infikavali jaho karanavirusam. Akazałasia, što ŭ hetym vypadku virusnaja nahruzka ŭ arhaniźmie hryzuna była ŭ 10 razoŭ nižejšaja. «Kali my zrobim toje ž samaje ź ludźmi, uvioŭšy płazmu kryvi ačuniałych pacyjentaŭ praź vienu, heta moža sapraŭdy dapamahčy im adnavicca, źniziŭšy virusnuju nahruzku», — miarkuje aŭtar daśledavańnia, prafiesar Juen. Jon paviedamiŭ, što jaho kamanda ciapier čakaje dazvołu z boku miedycynskaha kamiteta pa etycy, kab mieć mahčymaść pravieści daśledavańni na ludziach.