«Pakaznaja bravada biełaruskich uładaŭ u razhar pandemii karanavirusa nie pieraškadžaje Minsku prasić Maskvu ab sadziejničańni ŭ baraćbie ź infiekcyjaj», — havorycca ŭ materyjale vydańnia.
Biełaruś, jak raspaviali «Kommiersantu» surazmoŭcy ŭ rasijskich dziaržstrukturach, znachodzicca siarod postsavieckich krain, jakija nakiravali ŭ adras Rasii aficyjnyja zapyty z prośbaj vydzielić achoŭnyja maski, test-sistemy, aparaty ŠVŁ. Padobnyja zapyty, raspaviała infarmavanaja krynica «Kommiersanta», pa dypłamatyčnych kanałach nakiravali praktyčna ŭsie krainy SND, za vyklučeńniem Ukrainy i Turkmienistana. «Infarmacyja akumulujecca i pieradajecca ŭ štab, dzie prymajecca rašeńnie, kamu i što vydzialać. Namienkłatura — ad marlevych paviazak da ŠVŁ», — apisaŭ patreby susiedziaŭ surazmoŭca «Kommiersanta».
Jon rastłumačyŭ, što dla vydzialeńnia zapytanaj dapamohi nieabchodny śpiecyjalny dazvoł urada RF, pakolki 2 sakavika była pryniata pastanova, jakaja zabaraniaje vyvaz z krainy miedycynskaj pradukcyi. Kamientujučy situacyju ŭ Biełarusi, surazmoŭca vykazaŭ nadzieju na toje, što tam pačnuć bolš adkazna padychodzić da baraćby z raspaŭsiudžvańniem karanavirusa. «My ad ich abaraniajemsia. Ale zadaču hetuju treba vyrašać sumiesna, pakolki kali ŭ adnoj krainie epidemija pojdzie na spad, a ŭ druhoj — paŭstanie jaje ačah, to pahroza zachavajecca», — skazaŭ surazmoŭca.
