Viadomy ekanamist, idejny natchnialnik libierałaŭ-refarmataraŭ, eks-pasoł Biełarusi ŭ Kitai i eks-daradca Kirył Rudy pakinuŭ dziaržsłužbu. Z krasavika jon — niezaležny dyrektar Finstore.by, prajekta Banka BiełVEB. Hetuju infarmacyju TUT.BY paćvierdziŭ sam Rudy.
Bank BiełVEB, adzin z šaści sistemaŭtvaralnych bankaŭ krainy, pačaŭ pracavać u śfiery ICO ŭ kastryčniku minułaha hoda, zapuściŭšy Finstore.by. Z tych časoŭ tokieny vypuścili ŭžo takija kampanii jak MAZ, «Biełviest». Za čatyry miesiacy na placoŭcy Finstore zarehistravałasia 1278 inviestaraŭ, amal u 4 razy z pačatku hoda pavialičyŭsia abjom pryciahnutych srodkaŭ i na pačatak sakavika skłaŭ bolš za 4,1 młn dalaraŭ.
U sakaviku kiraŭnik Banka BiełVEB Vasil Maciušeŭski anansavaŭ druhi reliz prajekta, «jaki źviazany i z vyvadam novych, nie tolki pazykovych instrumientaŭ, jon praduhledžvaje mahčymaść inviestavańnia dla jurydyčnych asob — rezidentaŭ Biełarusi». Nastupny etap — mahčymaść vychadu na hetuju placoŭku nierezidentaŭ — i jurydyčnych, i fizičnych asob jak inviestaraŭ i zakazčykaŭ.
Kiraŭnik Banka BiełVEB taksama źviarnuŭ uvahu na unikalnyja mahčymaści dekreta №8, u tym liku — stvareńnie vielmi pryvabnaj jurysdykcyi dla nierezidentaŭ.
