Sałdat na Ružanskim palihonie ŭ Bresckaj vobłaści zahinuŭ z-za padzieńnia dreva. Pra heta ŭ svaim fejsbuku paviedamiła aficyjny pradstaŭnik Minabarony Biełarusi Natalla Haŭrusik.
U Minabarony adznačajuć, što śledčyja zaraz pravodziać pravierku i vajennaje viedamstva nie źjaŭlajecca pravaŭładalnikam infarmacyi.
«Usio, što my možam skazać, — padraździaleńnie znachodziłasia na palavym vychadzie. Vajskoŭcy abstalavali tak zvanuju dnioŭku i, chutčej za ŭsio, siekli dreva dla taho, kab abahrecca. Padzieńnie dreva i stała pryčynaj hibieli vajskoŭca. Pryčyny i dakładnyja abstaviny niaščasnaha vypadku vyśvietlić śledstva», — napisała Natalla Haŭrusik.
«Niesumnienna, vajennaje viedamstva akaža ŭsiu nieabchodnuju dapamohu siamji vajskoŭca», — dadała jana.
