Hubiernatar paŭnočnaj italjanskaj vobłaści Łambardyja Atylia Fantana abviaściŭ pra spynieńnie rostu liku tych, chto zaraziŭsia karanavirusam. Jaho słovy pryvodzić u sieradu ahienctva ANSA.
«My vyjšli na stabilny ŭzrovień [zaražeńnia], heta značyć bolš niama rostu. My schilnyja prytrymlivacca dumak śpiecyjalistaŭ, što pik byŭ dasiahnuty, i zaraz paśla stabilnaj kolkaści zaražeńniaŭ jana [kolkaść vypadkaŭ infikavańnia ŭ sutki] pačnie źnižacca. Stanoŭčy faktar u tym, što miery strymlivańnia prynieśli vynik, ale asłablać ich rana», — skazaŭ Fantana.
Łambardyja stała centram łakalnaj uspyški karanavirusa ŭ Italii z najbolšaj kolkaściu infikavanych i pamierłych: sa 105 792 pa ŭsioj Italii z pačatku epidemii 43 208 byli vyjaŭleny ŭ Łambardyi. Bolš za pałovu pamierłych — 7 199 z 12 428 — taksama prypadajuć na hetuju vobłaść, jak i 2/3 vyzdaraviełych — 10 885 z 15 729. Na druhim miescy znachodzicca Emiłija-Ramańja, dzie ich ahulnaja kolkaść bolš čym u try razy mienš, čym ŭ Łambardyi, usiaho 14 074, ź jakich pamierli 1 644 čałavieki, piša TASS.
