Łukašenka siońnia daŭ intervju telekampanii «Mir», razmova taksama pajšła i pra karanavirus, paviedamlaje «Źviazda».
U Minsku situacyja z raspaŭsiudžvańniem pačałasia ź iranskaha studenta, jaki žyŭ u siamji svajoj niaviesty. Baćka dziaŭčyny — kiroŭca «vialikaha načalnika», skazaŭ Łukašenka. Toj, u svaju čarhu, prysutničaŭ na vyšejšych naradach va ŭradzie, pradstaŭniki jakoha sustrakalisia z prezidentam.
«Prajšoŭ amal miesiac, i ja jašče pakul žyvy. I nie praviaraŭsia na karanavirus. Ja saču za stanam svajho zdaroŭja», — adznačyŭ lidar dziaržavy, padkreśliŭšy, što ŭ situacyi, «kali prachodzim pik, fizičnuju nahruzku krychu pasłabiŭ». Ale chakiejnyja treniroŭki (finał amatarskaha čempijanatu krainy ŭ subotu) usio ž taki prezident pakinuŭ u svaim hrafiku.
Jon prakamientavaŭ i zajavy niekatorych suśvietnych lidaraŭ, što Biełaruś, «nie jak usie», reahuje na prablemu.
«Słuchajcie, kali b va ŭsich było tak, jak u Biełarusi, pa baraćbie z hetymi virusnymi zachvorvańniami i, jak u nas, nie zabyvalisia, što jość i sardečniki, i ankałohija, jość traŭmatałohija, jość prosta pnieŭmanija — heta siezonnaja chvaroba vielmi mocnaja, — tady b nie było takich prablem, — skazaŭ jon. — My nie možam nie trymać jaho [karanavirus] u pamiaci. Tamu što skryniu ŭklučyŭ — karanavirus, pras uklučyŭ — karanavirus, čajnik uklučyŭ — karanavirus».
Jamu dakładvajuć pa kožnym vypadku śmierci ad pnieŭmanii. «Ich čaćviora ŭsiaho, pamierłych ad pnieŭmanii, kali ŭskładnieńni daŭ karanavirus, — prainfarmavaŭ jon. — Luby virus uskładnić chraničnyja zachvorvańni, i navošta «hvałtam» kryčać? Što atrymałasia, byccam my niešta chavajem. Śmierć čałavieka nikoli nie schavaješ, tamu što kožny rodny atrymoŭvaje daviedku ŭ ZAHSie».
Pa čaćviortym zaraz jašče ŭdakładniajuć, ci byŭ u jaho karanavirus. Danyja z ZAHSaŭ pa śmiarotnaści Łukašenka abiacaje pakazać žurnalistam.
Čytajcie taksama:
Śmierć ad karanavirusa: zasłužany artyst Biełarusi Viktar Daškievič
«Paviazuć u Minsk na kremacyju». Pieršaja śmierć u kapylskaj vioscy, dzie ŭspychnuŭ karanavirus
Jašče adna žančyna ź Viciebska śćviardžaje, što jaje mama pamierła ad karanavirusnaj pnieŭmanii
