sb.by
Pra heta kiraŭnik krainy zajaviŭ siońnia, prymajučy z dakładam staršyniu Dziaržaŭnaha mytnaha kamiteta Juryja Siańko, piša sb.by.
Łukašenka pacikaviŭsia, u pryvatnaści, situacyjaj na miažy i jaje ŭpłyvam na ekanomiku krainy:
— Miaža — heta łakmusavaja papierka funkcyjanavańnia ekanomiki. Tamu niekalki słoŭ litaralna. Ja infarmavany pra ruchi vielikahruznych aŭtamabilaŭ, pra ruchi praź miažu ŭ toj ci inšy bok hramadzian Biełarusi i inšych. Vašy acenki: što adbyvajecca, z punktu hledžańnia mytnika, z ekanomikaj, pierš za ŭsio, Biełarusi? Dla mianie heta najvažniejšaje pytańnie. Jak ja časta kažu, virusy prychodziać i sychodziać, a žyćcio budzie praciahvacca. I jakoje budzie hetaje žyćcio, šmat u čym zaležyć ad taho, jak my pracujem siońnia. Tamu ekanomika dla mianie — pytańnie numar adzin. Z vašaha punktu hledžańnia, jakaja situacyja? Nu i tyja prablemy, jakija vy chacieli sa mnoj abmierkavać.
Kiraŭnik dziaržavy taksama zadaŭ pytańnie adnosna zdaroŭja supracoŭnikaŭ Mytnaha kamiteta:
— Usio ž taki vy datykalisia niepasredna z hetymi zamiežnymi hramadzianami, jakija časam nam padkidvajuć roznyja virusy. Jakaja situacyja ŭ kalektyvie Mytnaha kamiteta? Chvarejuć, nie chvarejuć ludzi? Moža, treba dapamahčy čymści.
Juryj Siańko paviedamiŭ, što z punktu hledžańnia tranzitu pa terytoryi Biełarusi i impartu tavaraŭ za pieršyja try miesiacy zafiksavany rost u paraŭnańni z anałahičnym pieryjadam minułaha hoda:
— Paradku 8-9 pracentaŭ rost impartu i plus tranzit na terytoryju RF i dalej. Idziem u plus z punktu hledžańnia kolkaści mašyn, jakija tranzitujucca pa terytoryi našaj krainy. Akramia taho, na padstavie daručeńnia Urada my pryniali rašeńnie afarmlać hruzy, jakija źjaŭlajucca skorapsavalnymi i jakija viazuć pradukty charčavańnia i tavary pieršaj nieabchodnaści, što iduć u Biełaruś, u asobnych akiencach u pieršaradnym paradku, kab jany nie zatrymlivalisia na miažy.