Rasijski prapahandyscki telekanał RT nakručvaje prahlady svaich videa na płatformie Youtube i kuplaje kamientary pad imi. Ab hetym paviedamlajecca ŭ rasśledavańni Fondu baraćby z karupcyjaj rasijskaha apazicyjaniera Alaksieja Navalnaha.
U lutym hałoŭny redaktar telekanała Marharyta Simanian ab'viaściła, što sietka Youtube-kanałaŭ RT dasiahnuła 10 miljardaŭ prahladaŭ. Ni adzin navinavy kanał jašče nie dasiahaŭ takich mahutnych vynikaŭ. Zzadu zastalisia ŭsie suśvietnyja kankurenty. Ad CNN da Al-Džaziry.
U toj ža čas FBK kaža, što ŭ realnym śviecie zbroju rasijskaj prapahandy numar adzin nie hladzić praktyčna nichto. U Navalnaha ličać, što Simanian padmanvaje i svajho «šefa» — prezidenta Rasii Uładzimira Pucina.
FBK źviartaje ŭvahu na roznyja videa RT, u jakich bolš za miljon prahladaŭ i vielmi mała kamientaroŭ — dziasiatki.
Dy i tyja — zbolšaha na zamiežnych movach, pierakład jakich pakazvaje, što ludzi prosta nazyvajuć svajo imia abo pišuć: «Voś kamientar, pra jaki vy prasili». Mnohija pakidali kamientary na ruskaj, ale tak, byccam ich prahnali praz aŭtamatyčny pierakładčyk. Tamu časam kamientary prosta nie mieli nijakaha sensu.
Pry hetym nakrutki videa prachodzili navat praz porna-resursy.
