Fota Voli Aficeravaj
Bankaŭski pracesinhavy centr pavialičyŭ limit apieracyj pa bieskantaktavych kartkach biez uvodu PIN-koda da 80 rubloŭ, paviedamili BIEŁTA ŭ BPC.
«Bankaŭski pracesinhavy centr 9 krasavika nastroiŭ uvieś park bieskantaktavaha terminalnaha abstalavańnia, padklučanaha da pradpryjemstva, dla praviadzieńnia apieracyj pa bieskantaktavych kartkach ź limitam da Br80 biez uvodu PIN-koda», — paviedamili na pradpryjemstvie.
Raniej u arhanizacyjach handlu i servisu płaciažy biez abaviazkovaha ŭvodu PIN-koda byli mahčymy tolki da Br20.
Takim čynam, z 9 krasavika pry apłacie z dapamohaj bieskantaktavaj kartki, bankami-ekvajerami jakich źjaŭlajucca Biełarusbank, Biełahraprambank, BPB-Aščadbank, BSB Bank i Parytetbank, sistem BiełKart, Mastercard, VISA, MIR limit składaje Br80. Pry hetym limit pa kartkach UPI — Br45.