Staršynia Bresckaha abłvykankama Anatol Lis, jaki naviedaŭ siońnia Bresckuju abłasnuju dziciačuju balnicu, adznačyŭ, što epidemijałahičnaja situacyja ŭ halinie kantralavanaja, rezkich usploskaŭ niama, paviedamlaje sb.by.
— Siońnia 222 čałavieki pad nahladam u stacyjanarach, hałoŭnym čynam u infiekcyjnym adździaleńni Bresckaj abłasnoj kliničnaj balnicy, karanavirus paćvierdžany ŭ 41 čałavieka ź ich, bolš za ŭsio ŭ Łuninieckim rajonie — 26, u Breście — 6. Bolš za 5 tysiač abśledavany.
Ranicaj Minzdaroŭja paviedamlała, što ŭ Bresckaj vobłaści špitalizavanyja 17 čałaviek, a ŭsiaho ŭ Biełarusi za ŭvieś čas karanavirus dyjahnastavany ŭ 1486 čałaviek.
Razychodžańnie adznačałasia i ŭčora, kali Minzdaroŭja havaryła pra 3 «karony» na Bieraściejščynie, a abłasnaja sanstancyja davała ličbu 28. Statystyka Minzdaroŭja nie dasiahnuła jaje i siońnia. Mahčyma, Minsk uličvaje ličby z rehijonaŭ sa značnym spaźnieńniem.
