U Biełarusi možna sustreć abmierkavańni, ci nakiravali kahości na teściravańnie karanavirusa i i ci dastatkovuju kolkaść ludziej teścirujuć. Cikava paraŭnać, jakija krytery ŭžyvajucca ŭ inšych krainach.
Amierykanski miedyčny rehulatar CDC (Centry kantrolu i prafiłaktyki zachvorvańniaŭ, anałah našaj sansłužby) vyznačyŭ nastupnyja katehoryi pryjarytetnaści teściravańnia.
«Hrupa 1.
a) Pacyjenty ź simptomami pry špitalizacyi [špitalizujuć u ZŠA, jak i ŭ Niamieččynie, Italii, Francyi, Brytanii, Ispanii tolki pacyjentaŭ ź ciažkimi formami COVID-19 i, časam, pacyjentaŭ stanie siaredniaj ciažkaści, astatnija prosta samaizalujucca doma].
b) Rabotniki sistemy achovy zdaroŭja ź simptomami.
Hrupa 2.
a) Pacyjenty ź simptomami, jakija znachodziacca ŭ sacyjalnych ustanovach praciahłaha ŭtrymańnia (damy sastarełych, damy-internaty dy inš.).
b) Pacyjenty ŭ hadach, ad 65 hadoŭ i starejšyja, ź simptomami.
v) Pacyjenty sa spadarožnymi chraničnymi chvarobami [chvaroby orhanaŭ dychańnia, dyjabiet dy inš.], jakija majuć simptomy COVID-19.
h) Ludzi, jakija dapamahali pacyjentam z COVID-19 i ŭ jakich vyjavilisia simptomy chvaroby.
Hrupa 3.
a) Rabotniki abjektaŭ žyćciova važnaj infrastruktury ź simptomami,
b) Asoby ź simptomami, jakija nie padpadajuć pad aznačanyja katehoryi.
v) Bieśsimptomnyja rabotniki achovy zdaroŭja i inšyja asoby, jakija akazvali dapamohu pacyjentam z COVID-19.
h) Asoby ź miakkimi i siarednievyražanymi simptomami chvaroby z asiarodździaŭ, dzie była vialikaja ličba špitalizacyj z nahody COVID-19.
Niepryjarytetnaja hrupa
Asoby bieź simptomaŭ».
Jak bačym, i ŭ ZŠA pieravaha addajecca pacyjentam ź simptomami i ŭ ciažkim dy siaredniaj ciažkaści stanach. Heta źviazana z abmiežavanymi mahčymaściami łabaratoryj.