RUP «Biełfarmacyja» budzie adzinym apierataram pa realizacyi achoŭnych vyrabaŭ, piša BiełTA.
Fota Nadziei Bužan.
Urad pryniaŭ rašeńnie pryznačyć adzinym apierataram pa realizacyi ŭsiaho asartymientu achoŭnych vyrabaŭ RUP «Biełfarmacyja». Ciapier pastaŭki achoŭnych masak u aptečnuju sietku ŭsich form ułasnaści budzie kuryravać adziny apieratar.
Takaja miera pryniata, kab pracesy pastavak i adhruzak byli prazrystymi, a košty na maski nie zavyšalisia. Dla miedycynskaha piersanału maski adhružajucca UP «Biełmiedtechnika».
«Siońnia staić zadača zabiaśpiečyć unutrany rynak krainy ŭ poŭnym abjomie: zakryć patreby jak miedycynskaha piersanału ŭ srodkach achovy, tak i hramadzian. Tamu da vytvorčaści achoŭnych masak padklučylisia dziasiatki roznych pradpryjemstvaŭ, na siońnia ich užo bolš za 50», — adznačyli ŭ «Biellehpramie».
