Vałanciorskaja sietka BYCOVID19 pryhatavała i adpraviła kancentratary kisłarodu dla Hłybokaha i Dokšyc. A jašče 1500 adnarazovych chirurhičnych chałataŭ dla Viciebska i balnic vobłaści, paviedamlaje aktyvist Andrej Stryžak.
U hetym brali ŭdzieł pieravozčyki vezem.by i AAA cargo.
Biełaruskaja dyjaspara zakupiła ŭ Niamieččynie 80 partatyŭnych pulsaksimietraŭ (prybor dla mamientalnaha vymiareńnia ŭzroŭniu kisłarodu ŭ kryvi biez zboru kryvi) i 10 bieskantaktavych termomietraŭ. Jašče 10 bolš składanych i darahich stacyjanarnych pulsaksimietraŭ zakupiać ŭ Minsku zaŭtra.
Hetyja prybory vielmi dapamahajuć miedykam apieratyŭna adsočvać stan pacyjentaŭ z paražeńniem lohkich i prymać chutkija i efiektyŭnyja rašeńni dla ich vyratavańnia.
Niejki čas zojmie ich dastaŭka z Hiermanii ŭ Biełaruś.
Taksama vałanciorskaja inicyjatyva znajšła novyja reśpiratary 1000 ffp3 pialostak i 500 ffp2.
Pa 200 ffp3 i sotni chirurhičnych chałataŭ pajeduć u Novałukoml i Čašniki.
600 ffp3, 400 ffp2 i 100 chałataŭ zaŭtra adpraviacca ŭ adnu ź minskich balnic.
Stvorana sietka hrup u telehramie, u jakich budzie mahčymaść znajści adnadumcaŭ, abjadnać svaje namahańni i ŭklučycca ŭ dapamohu miedykam, pažyłym ludziam i inšym nieabaronienym hrupam:
Minsk: https://t.me/bycovid19minsk
Viciebsk: https://t.me/coronavirus_vitebsk
Hrodna: https://t.me/k28chat
Brest: https://t.me/bycovid19brest
Homiel: https://t.me/bycovid19gomel
Mahiloŭ: https://t.me/bycovid19mogilev
Dapamahčy abo paprasić ab dapamozie možna na sajcie.