Maskoŭskija daktary vyrašyli abjadnać stacyjanary dla lačeńnia karanavirusa i pnieŭmanii ŭ adzinuju sistemu i źmianić maršrutyzacyju pacyjentaŭ. 30% rasijskich testaŭ dla vyjaŭleńnia COVID-19 mohuć dać iłžyvy vynik, paviedamlaje RBK.
Hałoŭnyja ŭračy maskoŭskich klinik, jakija ŭvajšli ŭ skład kliničnaha kamiteta pa baraćbie z karanavirusam, prapanavali nie padzialać stacyjanary dla lačeńnia COVID-19 i pnieŭmanii. Pra heta havorycca ŭ paviedamleńni apieratyŭnaha štaba pa kantroli i manitorynhu situacyi z karanavirusam u Maskvie.
Kamitet byŭ stvorany 8 krasavika. Adnoj ź pieršych prapanoŭ miedykaŭ stała ŭklučeńnie balnic dla lačeńnia karanavirusnaj infiekcyi i pnieŭmanii ŭ adzinuju sistemu. Jak adznačyli ŭ štabie, bolšaść vypadkaŭ pnieŭmanii zaraz vyklikana novym karanavirusam. Tam taksama pryviali słovy hałoŭnaha lekara balnicy ŭ Kamunarcy Dzianisa Pracenki, jaki ličyć, što ciapier u pieršuju čarhu treba aceńvać kliničnuju karcinu i nie čakać vyniku testaŭ dla vyjaŭleńnia COVID-19, dakładnaść jakich składaje 70-80%.
