Skrynšot ź videa.
Namieśnica ministra achovy zdaroŭja Alena Bohdan nie zmahła adkazać na pytańnie, kolki miedrabotnikaŭ u krainie zaražana ci pamierła ad COVID-19.
Spačatku ŭ adkaz na pytańnie jana skazała pavyšanym tonam, što ŭ jaje niama takich źviestak, ale jana «moža sabrać ich».
Paźniej jana skazała: «Miedyki, našy miedycynskija rabotniki hetuju ličbu viedajuć». U toj ža čas jana trymajecca dumki, što ahučvać takuju ličbu niama patreby.
Namieśnica ministra achovy zdaroŭja abrynułasia na žurnalistaŭ z krytykaj za publikacyi pra śmierć miedrabotnikaŭ — u pryvatnaści, pra sychod 47-hadovaj miedsiastry ŭ Viciebsku i 50-hadovaha fielčara ŭ Barysavie. Jana spasyłałasia na «pryncypy bijaetyki». «Heta pytańni bijaetyki, i treba tut pavažać pierš za ŭsio pačućci taho, chto syšoŭ», — skazała jana.
7 krasavika na pasiadžeńni Viciebskaha abłasnoha apieratyŭnaha štaba pa abaronie ad COVID-19 było zajaŭlena, što ŭ ich u vobłaści vyjaŭlena 38 zaražanych miedykaŭ.
Prachodziła infarmacyja i pra zaražeńni miedykaŭ u Minsku, Minskaj vobłaści.
Zaražeńni miedykaŭ rehistrujucca va ŭsich krainach, jakija sutyknulisia z pandemijaj. U inšych jeŭrapiejskich krainach hetaja ličba nie jość tajamnicaj, pryvodziacca źviestki jak ahulnanacyjanalnyja, tak i pa asobnych ustanovach zdaroŭja.
