Fota Nadziei Bužan
Pryzyŭnaja kampanija ŭ Biełarusi praciahvajecca ŭ płanavym paradku, paviedamiła padčas bryfinhu žurnalistam namieśnik ministra achovy zdaroŭja Alena Bohdan, piša BIEŁTA.
«Pryzyŭnaja kampanija praciahvajecca. U nas jość sumiesnaje rašeńnie ź Ministerstvam abarony pa praviadzieńni pryzyŭnoj kampanii (jano było vypracavana jašče ŭ kancy lutaha)», — skazała Alena Bohdan.
Kali pryzyŭniki buduć mieć patrebu ŭ daabśledavańni, ich nakirujuć u balničnyja arhanizacyi. «Nam aktyŭna dapamahaje vajennaja sistema achovy zdaroŭja — heta, pierš za ŭsio, 432-i špital. Kali jość niejkija składanyja vypadki, pryzyŭniki tudy buduć nakiroŭvacca dla daabśledavańnia z paćviardžeńniem dyjahnazu. Pakul nijakich pieranosaŭ u nas niama», — adznačyła namieśnik ministra.
Pavodle jaje słoŭ, praca pa praviadzieńni pryzyŭnoj kampanii vybudavanaja. «Ź Ministerstvam abarony my majem znosiny niekalki razoŭ na tydzień. Pakul niama jakich-niebudź prablemnych pytańniaŭ ni ź ich boku, ni z našaha», — skłała Alena Bohdan.
