Kali termin dziejańnia pašparta skončyŭsia, to možna atrymać štraf da 108 rubloŭ (4 bazavyja vieličyni). Takoje pakarańnie praduhledžana artykułam 23.53 KoAP.

Adnak zaraz z-za składanaj situacyi z karanavirusam nie kožny ryzyknie iści ŭ «pašpartny stoł» (raźlikova-kasavy centr).

«My dumajem pra zdaroŭje hramadzian, — prakamientavała «Minsk-navinam» situacyju pres-sakratar MUS Biełarusi Volha Čamadanava, — kali termin dziejańnia vašaha pašparta minuŭ ciapier, u pieryjad niaprostaj epidemijałahičnaj situacyi, miery administracyjnaha ŭździejańnia z boku supracoŭnikaŭ padraździaleńniaŭ pa hramadzianstvie i mihracyi prymianiacca nie pavinny, bo ludzi pa abjektyŭnych pryčynach nie mohuć asabista padać dakumienty. Vydatna razumiejem, što ciapier usie chočuć jak maha mienš naviedvać hramadskija miescy. Kali čałaviek nie pamianiaje pašpart siońnia, zaŭtra ci praź miesiac, u lubym vypadku jon heta zrobić praź niejki čas. My nie budziem u ciapierašniaj situacyi štrafavać ludziej za praterminavanyja pašparty. Kali jon u vas praterminavany, to jak tolki stanovišča z karanavirusam uładzicca, dakumient nieabchodna jak maha chutčej zamianić».

Клас
Панылы сорам
Ха-ха
Ого
Сумна
Абуральна