Vychadnyja dni va ŭmovach epidemii, abo čas na samaizalacyi — dobraja nahoda dla prahladu sieryjałaŭ. Najlepšyja navinki druhoha viasieńniaha miesiaca «NN» sabrała ŭ tradycyjnym ahladzie. U naš śpis trapili jak premjery, hetak i stužki, jakija viarnulisia paśla pierapynku.
«Zabivajučy Jevu» (Killing Eve)
Drama. Vialikabrytanija, 3-i siezon
Jeva Połastry — heta ahient MI5, brytanskaj unutranaj raźviedki. Kali pry zhadcy brytanskich śpiecsłužb u vas u padśviadomaści ŭspłyvaje Džejms Bond, to, kali łaska, zabudźciesia na jaho. Jeva — heta poŭnaja supraćlehłaść Bonda. Heta žančyna siarednich hadoŭ, jakija pakutuje na mihreni, a taksama zamučanaja siamjoj. U joj niama nijakaha hlancu i hłamuru, jaje žyćcio padobnaje da ruciny. Ale Jeva z tych ludziej, jakija zmahli nie zasieści naviečna ŭ hetaj rucinie.
Jeva stanovicca nieaficyjnym ahientam MI6 (vonkavaja raźviedka). Jana pačynaje vysočvać najomnuju zabojcu Viłanel. U vyniku hetaje supraćstajańnie vyljecca ŭ sapraŭdnuju apantanaść z abodvuch bakoŭ. Ciužet, u pryncypie, dastatkova banalny. Fišku tut dadaje toje, što hałoŭnyja hieraini tut mienavita žančyny ź vielmi mocnymi charaktarami. Plus da ŭsiaho sieryjał dobra tak prypraŭleny firmiennym anhlijskim čornym humaram.
«Fajnaja baraćba» (The Good Fight)
Jurydyčnaja drama. ZŠA, 3-i siezon
Dzijana Łokchart (vy hetuju aktrysu pavinny pamiatać pa «Teoryi vialikaha vybuchu» ŭ roli mamy Leanarda) — paśpiachovy čykahski juryst. Adzinaje, pra što jana maryć, — heta vyjści na piensiju dy pačać spakojnaje žyćcio. Jana sychodzić ź firmy, u jakuju ŭkłała ŭsie svaje siły. Tolki voś akazvajecca, što ŭsie jaje hrošy źnikajuć u finansavaj piramidzie, u jakuju jana ŭkłałasia pa paradzie svajho dobraha siabra.
U vyniku Dzijana ledź nie akazvajecca la raźbitaha karyta. Tolki adna jurydyčnaja firma, u jakoj raniej pracavali tolki afraamierykancy, zhadžajecca joj dapamahčy z pracaŭładkavańniem. Cikava, što ŭ pamočnikach Dzijany — dačka taho samaha działka, jaki prafukaŭ jaje hrošy. «Dobraja baraćba» cikavaja vydatnaj ihroj žanočych piersanažaŭ.
«Biažy» (Run)
Čornaja kamiedyja. ZŠA, 1-y siezon
Staroje kachańnie ržavieje? Rubi i Bili byli paraj jašče padčas vučoby ŭ kaledžy. Potym ich žyćciovyja darožki razyšlisia, ale jany damovilisia, kali chtości adpravić sms-ku sa słovami «Biažy», to jany sustrakajucca ŭ toj ža dzień na Centralnym vakzale Ńju-Jorka, kab sieści na pieršy ciahnik paśla 17:00 i pačać vandroŭku pa Amierycy. Praz 17 hadoŭ Rubi, jakaja žyvie spakojnym žyćciom u pryharadzie, atrymlivaje takoje paviedamleńnie. I, zdajecca, niečakana dla samoj siabie pahadžajecca na takuju avanturu.
Rubi nadakučyli adnatypnyja budni jaje žyćcia, dzie siamiejnyja prablemy kožny dzień cisnuć usio bolej. Uciekačy damaŭlajucca, što pieršyja sutki ŭ ich maratoryj na razmovy pra asabistaje žyćcio. Ale niedahavoranaje nie daje im być takimi ž, jak padčas vučoby ŭ kaledžy.
«Misis Amieryka» (Mrs. America)
Drama. ZŠA, 1-y siezon
ZŠA, 1970-ja hady. Novaja chvala fieminizmu. Važnym palityčnym pytańniem na paviestcy dnia stanovicca pryniaćcie papraŭki ab roŭnych pravach Kanhresam ZŠA. Chto ŭ hety momant stanovicca hałoŭnymi praciŭnicami takoha rašeńnia? Jak by ni było paradaksalna, ale sami žančyny. Hałoŭnym piersanažam sieryjała stanie antyfieministka, kansiervatarka Filis Šłefli, jakaja razam z tysiačami chatnich haspadyń i inšych žančyn pratestavała suprać papraŭki.
Šłefli (heta realny histaryčny piersanaž) ličyła, što mužčyna pryznajecca ŭ kachańni da žančyny kožny raz, kali pytajecca, ci hatovaja viačera. «Ja abaraniaju realnyja pravy žančyn. Pravy być žonkaj i maci», — kazała jana. Kali amatary sieryjałaŭ pamiatajuć «Apovied słužanki», to isnuje viersija, što žonku kamandora Freda Marharet Etvud śpisała jakraz ź Filis Šłefli.
«Damoŭ da ciemry» (Home Before Dark)
Padletkavaja drama. ZŠA, 1-y siezon
Kali ŭ sieryjały jość cichi, miełanchaličny amierykanski haradok, to samo saboj, što ŭ im chavajucca strašnyja albo mistyčnyja tajamnicy. Na hety raz usiu pastaralnaść haradka la voziera buryć žurnalistka-padletak Childa Liska, jakaja pierajazdžaje da baćki z Bruklina. Dziaŭčynka pačynaje rasśledavańnie daŭniaha zabojstva, pra jakoje miascovyja žychary, zdajecca, paśpiachova zabylisia. Samaje niepryjemnaje dla dziaŭčynki, što ŭ hetuju historyju byŭ zamiašany i jaje tata.
«Damoŭ da ciemry» maje realny pravobraz — heta žurnalistka Childa Łajsijak, jakaja ŭ 9-hadovym uzroście zasnavała ułasnuju hazietu, dzie paviedamiła raniej za ŚMI pra zabojstva ŭ adnym haradku. Paśla hetaha miascovyja žychary raili joj «hulać u lalki», a nie zajmacca žurnalistykaj. Łajsijak dapamahała sa scenarom «Damoŭ da ciemry».
Hladzi taksama:
Piać sieryjałaŭ, jakija varta pahladzieć u sakaviku
Piać sieryjałaŭ, jakija varta pahladzieć u lutym
Piać sieryjałaŭ, jakija varta pahladzieć u studzieni
