Mer Maskvy Siarhiej Sabianin abviaściŭ pra ŭvod u horadzie prapusknoha režymu ŭ suviazi z raspaŭsiudžvańniem karanavirusa.
Propuski buduć uvodzicca ŭ horadzie pastupova z 13 krasavika, ich pačnuć vydavać u zajaŭnym paradku dla, naprykład, pajezdak na pracu. Jakim čynam budzie realizavanaja hetaja sistema technična, mer nie patłumačyŭ.
Taksama prypyniajecca praca amal usich pradpryjemstvaŭ i arhanizacyj, akramia orhanaŭ dziaržaŭnaj ułady, miedycynskich ustanoŭ, pradpryjemstvaŭ charčovaj i miedycynskaj pramysłovaści, vytvorcaŭ srodkaŭ indyvidualnaj abarony, klučavych pradpryjemstvaŭ abaronki, kosmasu, atamnaj pramysłovaści, krytyčna važnaj infrastruktury, charčovych kramaŭ. Adnak usie pradpryjemstvy, što zastanucca pracavać, zhodna z ukazam, pavinny maksimalna skaracić piersanał, jaki prysutničaje na pracoŭnych miescach. Astatnija supracoŭniki pavinny być pieraviedzieny na dystancyjnuju pracu abo ŭ režym niepracoŭnaha tydnia.
Časova spyniajucca budaŭničyja (ramontnyja) raboty, akramia budaŭnictva miedycynskich abjektaŭ i rabot bieśpierapynnaha cykłu ŭ budaŭnictvie i absłuhoŭvańni mietrapalitena, čyhunačnaha, naziemnaha hramadskaha transpartu i aeraportaŭ.
Taksama z nastupnaha tydnia prypyniajecca praca karšerynhu, akazańnie miedycynskich pasłuh šeraham arhanizacyj i indyvidualnych pradprymalnikaŭ. Prypynienaja i kantraktacyja lubych zakupak, akramia nieadkładnych.
