Samy bujny štraf za parušeńnie patrabavańnia prytrymlivacca dystancyi ŭ dva mietry ŭ Łatvii byŭ vypisany na hetym tydni. U Ałukśnie palicyja aštrafavała mužčynu, jaki admaŭlaŭsia vykonvać dystancyju, na 1000 jeŭra, paviedamlaje Delfi.
8 krasavika kampanija z čatyroch čałaviek u Ałukśnie nie vykonvała patrabavańnia prytrymlivacca fizičnaj dystancyi. Troje mužčyn byli aštrafavanyja kožny na 150 jeŭra, čaćviorty — na 1000 jeŭra. Jaho raniej nieadnarazova papiaredžvali ŭ suviazi z padobnymi parušeńniami, i jon zajaŭlaŭ supracoŭnikam palicyi, što nie budzie vykonvać praviły.
U cełym supracoŭniki łatvijskaj palicyi i palicyi samakiravańniaŭ z 13 sakavika pa 8 krasavika praviali 23 945 pravierak i aformili 278 pratakołaŭ ab administracyjnym parušeńni ŭ suviazi z parušeńniem abmiežavańniaŭ, uviedzienych padčas nadzvyčajnaj situacyi.
Pakarańni za takija parušeńni — štrafy ŭ dyjapazonie ad 10 da 450 jeŭra. Bolšaja častka parušalnikaŭ aštrafavanaja na 10 jeŭra.