U Hłuskim rajonie siońnia nočču ratavalniki pry tušeńni pažaru ŭ chacie znajšli trupy dvuch mužčyn, paviedamlaje MNS.
Paviedamleńnie ab pažary ŭ pryvatnym žyłym domie ŭ vioscy Zubarevičy Hłuskaha rajona ratavalniki atrymali 11 krasavika ŭ 1.20. Da taho momantu, kali bryhada prybyła na miesca zdareńnia, chata hareła adkrytym połymiem, było hustoje zadymleńnie, dach i pierakryćcie častkova abrynulisia. Sa słoŭ susiedziaŭ, unutry doma mahli znachodzicca ludzi.
U domie žyli dva braty 1960 i 1968 hadoŭ naradžeńnia. Abodva jany nie pracavali.
Ratavalniki znajšli cieły mužčyn u pakoi.
U vyniku pažaru źniščany dach, pierakryćcie i majomaść u domie, paškodžany ścieny. Pryčyna ŭzharańnia vyśviatlajecca.
0
0
0
0
0
0