Siabry, kali rašeńni, što prymajucca ŭ Šviecyi i Isłandyi, tak-siak pracujuć u Šviecyi i Isłandyi, heta zusim nie značyć, što jany spracujuć u Ispanii, Italii, Indyi ci Mieksicy.
Pačniom z taho, što ŭ Rejkjaviku i Hioteborhu ščylnaść nasielnictva troški inšaja, čym u Miłanie i Barsiełonie.
Dalej. Šviedy ź isłandcami i da karanavirusa myli ruki i trymali adzin ad adnaho dystancyju dva mietry, a ispancam ułaściva nabicca ŭ kolkaści 100 čałaviek u bar pamieram 3ch3 mietry, ciercisia tam adno ab adnaho i palivać adno adnaho pivam, kietčupam i potam.
Siamiejnaja viačera ŭ Šviecyi — heta muž z žonkaj, a siamiejnaja viačera ŭ Ispanii i Italii — heta 120 čałaviek za stałom, jakija pryjechali z 60 roznych viosak.
Šviedu možna skazać — starajsia mienš vychodzić z domu, i jon budzie imknucca mienš vychodzić z domu. A ispaniec tut ža pojdzie ŭ bar abmierkavać heta z chłopcami. A potym jany razam pajeduć u bardel. I tolki palicejski patrul na kožnym rahu moža prymusić jaho prysłuchacca da rekamiendacyj urada.
Šviedy padatki płaciać dobraachvotna, razumiejecie? Im prosta skazali, što tak dobra dla hramadstva, i jany płaciać. A kab padatak zapłaciŭ italjaniec, treba spačatku rasstralać ŭ jaho na vačach jaho susieda, a potym prystavić hety ž pistalet jamu da skroni. Tady jon razhledzić hetuju prapanovu.
Ja pracuju z adnym italjanskim turahienctvam. Vielizarnaja kantora, štat čałaviek 50 i jašče para sotniaŭ pieryjadyčnych pazaštatnych supracoŭnikaŭ kštałtu mianie, pracujuć pa ŭsioj Italii i jašče ŭ niekalkich krainach. Usia apłata — tolki hatoŭkaj, usie raźliki taksama. Prylataje raz u hod syn haspadara, zabiraje kešam usiu pryznačanuju kamisiju, kormić mianie abiedam, lacić nazad. Dumaju, što aficyjna ŭ Italii jon ličycca biespracoŭnym i atrymlivaje dapamohu.
Treba parekamiendavać im usim pavialičyć sacyjalnuju dystancyju, ničoha nie zabaraniajučy? Nu, parekamiendujcie. A ja pahladžu na heta.
A jašče, nie pavierycie, šviedskija i isłandskija ŭłady składajucca nie ź ispancaŭ i italjancaŭ, a taksama ŭ asnoŭnym sa šviedaŭ i isłandcaŭ. Jakija zdolnyja zahadzia praanalizavać situacyju, zakupić zahadzia patrebnuju kolkaść testaŭ, arhanizavać rańniaje testavańnie i izalavańnie ŭsich vypadkaŭ — uvohule, zrabić usio tyja rečy, jakija zvyčajna robiać sumnyja dyscyplinavanyja paŭnočnyja ludzi z bahatych krain.
Płanieta Ziamla — heta nie adna vialikaja Šviecyja ź Isłandyjaj, voś u čym dyk zaminka.
