Fizičny pusk pieršaha enierhabłoka Biełaruskaj AES zapłanavany na lipień 2020 hoda, enierhietyčny pusk płanujecca ŭ vieraśni — kastryčniku. Pra heta paviedamiŭ ministr enierhietyki Biełarusi Viktar Karankievič u efiry ANT.
Fota Nadziei Bužan
«Sioleta płanujecca fizičny pusk enierhabłoka i enierhietyčny pusk, heta značyć užo vydača pieršych kiłavat-hadzin u enierhasistemu krainy. Pa fizičnym pusku my aryjentujemsia, što heta lipień, adpaviedna, vydača pieršych kiłavat-hadzin elektryčnaj enierhii — heta vierasień — kastryčnik», — zajaviŭ Viktar Karankievič.
Pavodle jaho słoŭ, pakul Minenierha aryjentujecca na hetyja hrafiki.
