Antyretravirusny preparat nielfinavir moža błakavać razmnažeńnie karanavirusa SARS-CoV-2, paviedamili japonskija navukoŭcy. Vyniki daśledavańnia apublikavanyja na partale prepryntaŭ bioRxiv, piša rbc.ru.

Nielfinavir u spałučeńni ź inšymi antyretravirusnymi preparatami vykarystoŭvajecca suprać virusa imunadeficytu čałavieka (VIČ). Daśledniki ź Japonii vyvučyli dzieviać padobnych preparataŭ i vyjavili, što nielfinavir zdolny spynić replikacyju ŭzbudžalnika karanavirusa navat pry vykarystańni małych doz.

Navukoŭcy rekamiendavali ŭklučać hety preparat u pieralik patencyjna efiektyŭnych lekaŭ suprać karanavirusa. Pry hetym jany adznačyli, što pakul nie isnuje pravieranaha sposabu dla lačeńnia COVID-19, tamu varta testavać efiektyŭnyja supraćvirusnyja preparaty.

Raniej aŭstralijskija navukoŭcy z univiersiteta Monaša i Karaleŭskaha špitala ŭ Mielburnie znajšli preparat, jaki za 48 hadzin pamianšaje prysutnaść u kletkach virusa SARS-CoV-2 na 99%. Havorka idzie pra antyparazitny preparat iviermiekcin. Na dumku daśledčykaŭ, jaho prymianieńnie ŭžo siońnia moža źnizić virusnuju nahruzku, paźbiehnuć ciažkich uskładnieńniaŭ i praduchilić pieradaču karanavirusa.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?