Učora stała viadoma pra pieršy vypadak karanavirusa ŭ biełaruskim vojsku. Sałdat terminovaj słužby špitalizavany, jon znachodzicca ŭ Hałoŭnym vajskovym kliničnnym špitali ŭ Minsku, stan zdaroŭja stabilny.

Małady čałaviek prachodzić terminovuju słužbu ŭ 72-m abjadnanym navučalnym centry (ANC) u Barysavie. Paviedamlałasia, što ŭ padraździaleńni ŭviali karancin.

Siońnia aficyjny pradstaŭnik Minabarony Natalla Haŭrusik raspaviała «NN» pra zroblenyja zachady.

Adno z padraździaleńniaŭ 72-ha ANC zaraz znachodzicca ŭ namiotavym haradku na ahulnavajskovym palihonie. Chłopcy izalavanyja.

Pryčym jašče niekalki tydniaŭ tamu, ramkach treniroŭki na vypadak paharšeńnia epidsituacyi, na palihonie pobač z navučalnym centram byŭ razhornuty svajho rodu rajon izalacyi. Pałatki, viadoma, aciaplajucca, jak heta adbyvajecca zaŭsiody ŭ chałodnuju paru hoda. Vajskoŭcy zabiaśpiečany ŭsim nieabchodnym.

«U kožnym namiocie draŭlanyja padłohi, stajać paŭnavartasnyja łožki.. Adna pałatka raźličana na 50 čałaviek, ale ciapier jany žyvuć tam maksimum pa 14 čałaviek. Pracuje palavaja kuchnia, pracujuć miedyki i kuchary», — dadała Natalla Haŭrusik.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?