Presavy sakratar Minabarony Natalla Haŭrusik paćvierdziła, što na karanavirus zachvareli dva vajskoŭcy 83-ha asobnaha inžynerna-aeradromnaha pałku, jaki dyślakujecca ŭ Babrujsku, piša «Radyjo Svaboda».

«Tak, vypadak sapraŭdy jość. U dvuch vajskoŭcaŭ stanoŭčy vynik testa na karanavirus. Jany znachodziacca na lačeńni ŭ Babrujskim centralnym špitali. Stan zdaroŭja zdavalniajučy, patreby ŭ padtrymcy lohačnaj dziejnaści niama, to-bok jany nie na aparacie štučnaj ventylacyi lohkich, dychajuć samastojna», — skazała Natalla Haŭrusik.

Pavodle presavaha sakratara Ministerstva abarony, vajskoŭcy, jakija kantaktavali z tymi, chto zachvareŭ, izalavanyja ŭ asobnaj zonie.

«Hetaksama, jak u 72-m vučebnym centry, tam pobač niekalki dzion tamu dziela treniroŭki byŭ razhornuty admysłovy namiotavy lahier — rajon izalacyi. Tudy i źmiaścili kantaktnych asob ź liku vajskoŭcaŭ.

Čytajcie taksama
«Razhornuty namiotavy haradok»: u Minabarony raspaviali pra zachady ŭ suviazi z faktam karanavirusa ŭ sałdata

Jany całkam zabiaśpiečanyja ŭsim nieabchodnym dla aŭtanomnaha pražyvańnia. Pracuje palavaja kuchnia, namioty abahravajucca, dziažurać medyki. Va ŭsich jość mahčymaści pamycca. I, kaniečnie, va ŭsich uziatyja proby na karanavirus. Taksama da ich u rajon izalacyi vyjechaŭ «renthien na kołach».

16 krasavika stała viadoma pra pieršy vypadak zachvorvańnia vajskoŭca ŭ 72-m vučebnym centry, što ŭ Piečach pad Barysavam. Pavodle Natalli Haŭrusik, sałdata źmiaścili ŭ Centralny vajskovy špital u Miensku. Pavodle medykaŭ, na paabiedzieny čas 17 krasavika stan zdaroŭja sałdata, jaki zachvareŭ, «stabilny z tendencyjaj na palapšeńnie», — paviedamiła «Svabodzie» Natalla Haŭrusik ź Minabarony.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?