Padčas rabočaj pajezdki ŭ Lidski rajon Alaksandr Łukašenka naviedaŭ škłozavod «Nioman». Alaksandr Łukašenka zaviaršyŭ pajezdku na pradpryjemstva hutarkaj z supracoŭnikami. Bolšaść tem tak ci inakš tyčylisia epidemijałahičnaj situacyi, paviedamlaje STB.

«Šmat testujem, ale jašče pavinien vam adkryta skazać, što ja vyjaviŭ, zychodziačy z hetaj infarmacyi, i ŭžo nie tolki ja: testy — ni k čortu.

Navat tut voś abśledavali rasijan (na atamnuju stancyju pryjechali), usich 15 čałaviek pralačyli, daśledavali rasijskimi testami — usio stanoŭča. Znoŭ kładzi ŭ balnicu i lačy. Admovilisia ad rasijskich testaŭ, uziali svaje, kitajskija — adzin tolki čałaviek akazaŭsia karanavirusny.

Tamu nie parciesia asabliva nakont hetaj chvaroby, zanadta šmat nieviadomaha — novy virus, zanadta šmat pamyłak», — skazaŭ Łukašenka.

Клас
Панылы сорам
Ха-ха
Ого
Сумна
Абуральна