«Biełavija» adkryvaje siońnia rehularny rejs Minsk — Viena — Minsk.

«Rejs u Vienu — heta pieršy krok na šlachu da viartańnia zvykłaha ŭkładu žyćcia», — adznačyŭ hienieralny dyrektar «Biełavii» Anatol Husaraŭ.

Avijakampanija płanuje paloty štodnia ŭ mižnarodny aeraport «Šviechat» z vyletam ź Minska ŭ 8.50 (pa paniadziełkach, sieradach, piatnicach i niadzielach) i ŭ 14.25 (pa aŭtorkach, čaćviarhach i subotach). Zvarotny vylet u Nacyjanalny aeraport «Minsk» płanujecca ŭ 10.45 (pa paniadziełkach, sieradach, piatnicach i niadzielach) i ŭ 16.15 (pa aŭtorkach, čaćviarhach i subotach). Paloty buduć ažyćciaŭlać na Embraer 175 na 76 miescaŭ. Čas u darozie składzie kala dźviuch hadzin. Košt avijabiletaŭ pry kupli na sajcie belavia.by u adzin bok budzie ad 69 jeŭra, uklučajučy taksy i zbory, i ad 146 jeŭra — tudy i nazad.

U «Biełavija» źviarnuli ŭvahu na toje, što pasažyry, jakija nabyli kvitki pa hetym napramku na rejsy «Biełavija» z vyletam u pieryjad z 29 sakavika pa 24 krasavika, zmohuć viarnuć hrošy biez utrymańniaŭ pa miescy nabyćcia bileta abo adnarazova pieranieści datu palotu pa 31 śniežnia.

Клас
0
Панылы сорам
0
Ха-ха
0
Ого
0
Сумна
0
Абуральна
0