23 krasavika 2005 hoda ŭ 20:27 pa kalifarnijskim časie na YouTube zahruzili pieršaje videa ŭ historyi. Hety rolik daŭ start najbujniejšaj videapłatformie ŭ śviecie, pra jakuju ciapier viedajuć praktyčna ŭsie. Pry hetym samo videa vyhladaje navat zanadta zvyčajna dla takoj važnaj padziei ŭ historyi internetu — heta amal 20-siekundny rolik pad nazvaj «Ja ŭ zaaparku» (Me at the zoo). Zahruziŭ jaho adzin z zasnavalnikaŭ YouTube, jaki z časam syšoŭ u cień, piša tjournal.ru.
Pieršy rolik u historyi YouTube zahruzili na kanał jawed. Za im chavajecca Džavied Karym — adzin z troch zasnavalnikaŭ YouTube (astatnija — Čad Chiorli i Styŭ Čen). Pierad hetym na toj momant 25-hadovy Džavied adpraviŭsia ŭ zaapark San-Dyjeha sa školnym pryjacielem Jakavam Łapickim i paprasiŭ taho pazdymać siabie pobač sa słanami.
U 18-siekundnym roliku Džavied staić i raspaviadaje: «Dobra, voś my pierad słanami. Kłasnaja reč u hetych čuvakoŭ — u ich vielmi-vielmi-vielmi doŭhija chobaty. I heta kruta. I, na samaj spravie, heta ŭsio, što možna skazać».
Aŭtary The New York Times pisali, što Karym mocna dapamahaŭ Chiorli i Čenu paradami ŭ stvareńni YouTube, ale sumiaščaŭ pracu nad servisam z vučobaj va ŭniviersitecie Stenfarda. Tamu siabry damovilisia, što ŭ Džavieda nie budzie aficyjnaj pasady, a taksama zarobku. U vyniku aŭtar pieršaha videa pakinuŭ YouTube na rańnich stadyjach, kab skancentravacca na napisańni dysiertacyi. Tym nie mienš paśla prodažu płatformy Google ŭ 2016 hodzie za 1,65 miljarda dalaraŭ jon atrymaŭ akcyj na 64 miljony.
Praz 15 hadoŭ u videa «Ja ŭ zaaparku» 90 miljonaŭ prahladaŭ.
