Kanadskija navukoŭcy vyjavili antycieły, jakija, mahčyma, dapamohuć stvaryć leki ad karanavirusa. Pra heta paviedamiŭ u niadzielu premjer-ministr Kanady Džaścin Trudo padčas štodzionnaha telezvarotu da nacyi, piša tass.ru.

Pavodle jaho słoŭ, daśledčaja dziejnaść pa pošuku vakcyny ad karanavirusa, jakuju finansujuć kanadskija ŭłady, pačała davać pieršyja vyniki. «Navukoŭcy vyjavili antycieły, jakija mohuć być vykarystanyja ŭ lekach dla lačeńnia ad hetaha virusa», — skazaŭ Trudo.

Premjer-ministr dadaŭ, što ŭžo ŭ pačatku lipienia navukoŭcy mohuć pačać testavać leki na ludziach. Jon taksama paviedamiŭ, što ŭrad vydatkuje kampanii, śpiecyjalisty jakoj zmahli vyjavić hetyja antycieły, na daśledavańni dadatkova 175 młn kanadskich dalaraŭ (kala $125 młn).

Raniej Trudo zajaviŭ, što Atava nakiruje 1,1 młrd kanadskich dołaraŭ ($780 młn) na padtrymku daśledavańniaŭ pa pošuku vakcyny ad karanavirusa i praviadzieńnie maštabnaha testavańnia nasielnictva.

Клас
0
Панылы сорам
0
Ха-ха
0
Ого
0
Сумна
0
Абуральна
0