Praŭładnyja palitołahi Biełarusi horača vitali rašeńnie Łukašenki pravieści parad 9 maja. Siužet byŭ pakazany ŭ efiry «Biełaruś-1».

«Heta pazityŭna spracuje dla našaha imidžu, heta pakaža, što ŭ nas suvierennaja dziaržava, dzie dumajuć svajoj hałavoj i prymajuć rašeńnie, sychodziačy z ułasnych intaresaŭ, a nie paddajucca panicy, cisku hramadskaj dumki, sfarmiravanaj nieviadoma dzie, ŚMI, jakija pieraśledujuć svaje mety. Mnie zdajecca, što da Biełarusi budzie bolš pavahi, [jana] budzie ŭsprymacca stojkaj, ćviordaj», — miarkuje Alaksiej Dzierman. 

Dekan fakulteta fiłasofii i sacyjalnych navuk BDU Vadzim Hihin kaža nastupnaje: «Usłych my heta nie kažam, ale pakaleńnie heta sychodzić. Z kožnym hodam ich stanovicca ŭsio mieniej i mieniej. Nam vielmi chočacca, kab jany dažyli da 80-hodździa, kab dažyli da nastupnaha Dnia Pieramohi. Ale my viedajem, ja razmaŭlaŭ z mnohimi vieteranami. Jany źbirajuć siły, nazapašvajuć siły, kab sustreć heta śviata. (…) Dla hetych ludziej 9 Maja — samaja hałoŭnaja padzieja ŭ ich žyćci».

«7 listapada 1941 hoda ŭ Maskvie taksama byŭ parad na Čyrvonaj płoščy. Niebiaśpieka była nie mienšaja, nacysckija bambardziroŭščyki, vorah stajaŭ la ścien. Ale tym nie mienš vyrašyli parad pravodzić, chacia b mnohija zrazumieli, kab jaho nie pravodzili. I hety parad staŭ simavałam. Simvałam nadziei, Pieramohi. Adtul pačałasia naša pieramoha, choć jon, jašče raz paŭtaru, jon pravodziŭsia ŭ krajnie składanych umovach. Ludzi prosta adtul išli na front…»

Клас
0
Панылы сорам
0
Ха-ха
0
Ого
0
Сумна
0
Абуральна
0