Paśla taho jak urad Litvy źmiakčyŭ niekatoryja praviły karancinu, z paniadziełka žychary mohuć pakidać terytoryju krainy, piša Delfi.lt.

U Biełaruś možna trapić praz KPP Miadzininkaj — Kamienny Łoh, Šalčyninkaj — Bieniakoni i Rajhardas — Pryvałka.

Pamiežniki źviartajuć uvahu, što z-za dziejučych abmiežavańniaŭ toj, chto vyjechaŭ u Biełaruś, zmoža viarnucca tolki praz Polšču ci Łatviju.

Ale žychary Litvy, jakija viarnulisia z-za miažy, pa dziejučych praviłach 14 dzion pavinny buduć pravieści ŭ karancinie. Zamiežnikam ujezd u Litvu pa-raniejšamu zabaronieny. Vyklučeńnie tyčycca tolki pieravozčykaŭ, dypłamataŭ i vajskoŭcaŭ. Z 10 maja ŭ Litvie dazvolać avijaznosiny na maršrutach, jakija ŭchvalić urad krainy.

U Litvie za ŭvieś čas vyjaŭlena 1419 vypadkaŭ karanavirusa, pamierli 46 čałaviek. Apošnim časam kolkaść vyjaŭlenych vypadkaŭ źnižajecca. 30 krasavika było vyjaŭlena 10 vypadkaŭ, 1 maja — 14, 2 maja — 7.

Ad siaredziny sakavika ŭ krainie byŭ strohi karancin. 

Клас
0
Панылы сорам
0
Ха-ха
0
Ого
0
Сумна
0
Абуральна
0