Urad Japonii pryniaŭ rašeńnie padoŭžyć režym NS u krainie z-za pandemii karanavirusa da 31 maja. Pra heta paviedamiŭ premjer-ministr krainy Sindza Abe na pasiadžeńni štaba pa supraćstajańni infiekcyi.

«Pavodle acenki ekśpiertaŭ, Japonija paźbiehła vybuchovaha raspaŭsiudžvańnia infiekcyi. <…> Ź inšaha boku, na dumku ekśpiertaŭ, <…> miedycynskaja śfiera ŭsio jašče znachodzicca ŭ ciažkim stanie. My paprasili ministra Nisimura [ministr pa spravach adnaŭleńnia ekanomiki Jasutosi Nisimura] padoŭžyć termin režymu NS prykładna na adzin miesiac», — zajaviŭ jon.

Pa słovach kiraŭnika ŭrada, režym mohuć admianić raniej, kali ekśpierty paličać heta mahčymym na padstavie danych ab epidemijałahičnaj abstanoŭcy. U Japonii, pa apošnich źviestkach, bolš za 14 tys. vypadkaŭ zaražeńnia karanavirusam.

Клас
0
Панылы сорам
0
Ха-ха
0
Ого
0
Сумна
0
Абуральна
0