Biznesmien i eks-uładalnik minskaha «Dynama» Uładzimir Japryncaŭ dniami vypisaŭsia z balnicy, dzie lačyŭsia ad karanavirusnaj infiekcyi. U razmovie z «Trybunaj» 58-hadovy šmatrazovy čempijon śvietu i Jeŭropy pa samba taksama raskazaŭ, što na karanavirus zachvareli jaho dačka, žonka i ciešča:

— Vyjšaŭ ź lakarni i zaraz znachodžusia ŭ samaizalacyi. Mała taho, u mianie žonka zachvareła, ciešča zachvareła i dačka zachvareła — i pavodziać siabie hodna. Paviercie mnie, ni razu ŭ svoj bok nie čuŭ nijakaha dakoru. My prosta starajemsia adno da adnaho bieražliva stavicca. I ŭsio budzie narmalna, pa-čałaviečy.

Uładzimir Japryncaŭ raskazaŭ taksama pra chod chvaroby:

«Padniałasia tempieratura, kašal, łamała ŭsiaho. Zrabiŭ renthien: jon ničoha nie pakazaŭ. Dumaŭ, što ŭsio narmalna, nijakich prablem. Rodnyja ŭhavaryli zrabić KT. Prajšoŭ jaje, lekary zabiehali. Ja ž adnym ź pieršych u balnicu trapiŭ, mnie pašancavała. Kali b heta adbyłosia ciapier, kali idzie vał, to ŭsio b tak chutka nie zrabili. Lekary prosta ŭ hety ž dzień skazali, što ŭ mianie dvuchbakovaje zapaleńnie z padazreńniem na COVID-19.

Maje siabry daviedalisia pra heta, padniali šum. Mianie adrazu vyklikali ŭ lečkamisiju. Tam zrabili test na karanavirus. Paśla skazali siadzieć doma, nikudy nie vychodzić i čakać vyniki. Ranicaj patelefanavali: «Źbirajcie rečy. Terminova da nas». Tady tolki pačynałasia, ale ŭžo ŭsio lekary rabili prafiesijna. Byli apranutyja ŭ srodki abarony, dobrazyčliva stavilisia. Choć byli tryvožnyja momanty». 

Клас
0
Панылы сорам
0
Ха-ха
0
Ого
0
Сумна
0
Абуральна
0