Ahulnaja kolkaść achviar karanavirusa ŭ Brytanii pieravysiła 32 tysiačy, paviedamiła ŭ aŭtorak Nacyjanalnaje biuro statystyki krainy. Takim čynam, heta najbujniejšy pakazčyk śmiarotnaści ŭ Jeŭropie, piša Bi-bi-si.

Źviestki biuro ŭklučajuć vypadki śmierci z padazreńniem na COVID-19 doma, u damach sastarełych i chośpisach. Jany vypuskajucca štotydzień i prychodziać sa spaźnieńniem u paraŭnańni z štodzionnymi zvodkami ministerstva achovy zdaroŭja, jakija fiksujuć śmierci tolki ŭ špitalach.

Pavodle ONS, na kaniec krasavika u Anhlii i Uelsie pamierli 29 648 čałaviek (u ich śviedčańniach ab śmierci fihuravaŭ dyjahnaz COVID-19), a z ulikam śmiarotnych vynikaŭ u Šatłandyi i Paŭnočnaj Irłandyi vynikovaja ličba skłała 32 313 čałaviek.

U Italii ad karanavirusa pamierli 29 tysiač čałaviek, u Ispanii 25,4 tysiačy, u Francyi — 25,2 tysiačy, u Bielhii — 8 tysiač.

Sumnaje lidarstva ŭ śviecie pa kolkaści śmierciaŭ trymajuć ZŠA — 69,9 tysiačy, pryčym u štacie i horadzie Ńju-Jork — amal 25 tysiač čałaviek pamierli.

Клас
Панылы сорам
Ха-ха
Ого
Сумна
Абуральна