BiełTA

BiełTA

Alaksandr Łukašenka siońnia adznačyŭ, što ŭ Biełarusi na 5 maja kala 12,4 tysiačy pnieŭmanij roznaj etyjałohii, paviedamlaje «Źviazda».

«Ź ich tolki 1008 čałaviek kłasifikujucca jak ciažkachvoryja… Heta ŭsiaho vosiem pracentaŭ. Cudoŭny vynik. Kala vaśmi (pracentaŭ) u nas zaŭsiody kruciłasia, heta zaŭsiody była ličba ciažkachvorych na pnieŭmaniju ad ahulnaj kolkaści pnieŭmanij», — arhumientavaŭ kiraŭnik dziaržavy.

Hałoŭnym dla ratavańnia ludziej z zapaleńniem lohkich biełaruski lidar ličyć najaŭnaść dastatkovaj kolkaści aparataŭ štučnaj vientylacyi lohkich. Na siońnia ich u krainie dźvie z pałovaj tysiačy, chutka pastupiać jašče zakuplenyja. Plus 500 narkozna-dychalnych aparataŭ, jakija taksama možna vykarystoŭvać dla ŠVŁ.

«Siońnia na ŠVŁ — 240 čałaviek. Heta dzieviać z pałovaj pracenta ad najaŭnaści (aparataŭ) ŠVŁ! Toje, ad čaho pamirali ludzi ŭ Italii, Ispanii, Francyi, Vialikabrytanii, — adsutnaść ŠVŁ. U nas tolki dziesiataja častka na siońnia zadziejničana. Dyk da čaho ŭvieś hety šum?» — zadaŭ rytaryčnaje pytańnie kiraŭnik krainy.

«Vielmi važnaje pytańnie — hibiel ludziej, — dadaŭ jon. — Heta katastrofa — navat adzin čałaviek. U nas na siońnia na ranicu było kala sotni tych, chto zahinuŭ».

Łukašenka patłumačyŭ, što daloka nie pa ŭsich pamierłych jość vyniki patałahaanatamičnaj ekśpiertyzy, niekatoryja ludzi, jakija zahinuli i trapili ŭ statystyku achviar kavidu, jak potym vyśvietliłasia, mieli inšyja pryčyny śmierci.

Клас
Панылы сорам
Ха-ха
Ого
Сумна
Абуральна