24 krasavika ŭ Hrodnie na 48-hadovuju žančynu napali dvoje mužčyn, zašturchali jaje ŭ mašynu i vyvieźli za horad. Potym paciarpiełuju pabili. Vyśvietliłasia, što takim čynam jaje prymušali viarnuć doŭh, paviedamlaje milicyja.

Kryŭdzicieli byli dobra znajomyja žančynie — z kožnym ź ich jana raniej žyła sumiesna. Za čas sumiesnaha pražyvańnia ŭ žančyny nibyta ŭźnikli niekatoryja finansavyja abaviazacielstvy pierad padazravanymi. U pryvatnaści, adzin ź ich aformiŭ na siabie kredyt i pieradaŭ paciarpiełaj hatoŭku, a ŭ inšaha jana źniała z bankaŭskaj kartki hrošy. Kab viarnuć svajo, mužčyny advažylisia na radykalnyja miery.

Žychary Hrodzienskaha rajona 45 i 59 hadoŭ damovilisia ab złačynstvie ŭ sacyjalnaj sietcy. Vybraŭšy momant, kali daŭžnica budzie na vulicy adna, padazravanyja siłaj zabrali jaje na mašynie. Za horadam adzin ź ich pabiŭ žančynu i prymusiŭ napisać raśpisku z ukazańniem kankretnych terminaŭ viartańnia hrošaj. Paśla hetaha achviaru viarnuli ŭ horad i vysadzili kala aŭtazapraŭki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?