Ministerstva infarmacyi apublikavała śpis pieramožcaŭ štohadovaha konkursu «Załataja litara» — heta hałoŭnaje spabornictva dziaržaŭnych miedyja. Naminacyj ažno 25, kab chapiła ŭsim. Pieramožcam vydajuć dypłom i statuetku, pra hrošy havorki nie viadziecca.
U naminacyi «Najlepšy analityčny artykuł» pieramoh Andrej Mukavozčyk i jaho kałonki «Nakipieła», u jakich jon u chamskaj maniery zavočna zmahajecca ź niezaležnymi miedyja i apazicyjaj.
Andrej Mukavozčyk. fota «Nastaŭnickaj haziety»
Dla Mukavozčyka heta druhaja zapar pieramoha. Letaś jon vyjhraŭ konkurs jak ahladalnik.
Čytajcie:
Taho samaha Mukavozčyka pryznali najlepšym ahladalnikam krainy
«Spasiba, dzieda, za biasiedu». Staś Karpaŭ adkazvaje Mukavozčyku
Vyjhraŭ i jašče skandalny rabotnik «Sovietskoj Biełoruśsii», Maksim Osipaŭ. Mininfarmacyi ličyć, što jon lepš za ŭsich pisaŭ na hramadska-palityčnuju tematyku.
Osipaŭ — fanat BSSR. Jon pa-raniejšamu maryć pra adzinuju krainu ad Bresta da Uładzivastoka.
Maksim Osipaŭ, fota Nadziei Bužan
Čytajcie:
Ahladalnik «SB» Maksim Osipaŭ: Ci majuć maralnaje prava ludzi biez srodkaŭ na mašynu ci taksi zavodzić dziaciej?
Palityčny ahladalnik «Sovietskoj Biełoruśsii»: «Polšča — kraina-vyradak. Horšaja chiba što Ukraina»
